The Precipitate

 عذرا يا من كان عزيزا اسمُك لقد لطخوه في الوحل و داسوه بأقدامهم فضحكوا و ضحك الناس جميعا عذرا يا حبوب الهلوسة من يحتاج اليك الآن و كذلك محبوبتي لا يعبأ بها أحد

  لا أكتب حتى أُعرَف بل أكتب حتى أعرِف نفسٌ حين تسائلها قد تتلو السر و تكشف شيءٌ في البوح يُبينُ شيءٌ في البوح يخفف ننزف فوق الأوراق خير من ألا ننزف فالكلمة إذ تسطرها تمحو صمتا و تزخرف تنشد في النور حياةً تجمع شتتا و تؤلف   تزرع سؤُلاً في الصبح تحصد في الليل و تقطف و الكلمة إن تحبسها تسقيك الدمع و تذرف وقرٌ في الصدر ينوح طيرٌ إن خرج يرفرف فالكلمة ليست ملكا بل ضيف زار مضيّف أقرضه بعض حياة و مضى ينشد و يفلسف  

الحكم اصلا في الضماير هو اللي بيسوق المصاير حبة بالخوف يسري فينا  حبة بالقوت يشترينا  غمى بالاوهام عينينا و فاتنا بنلف في دواير  "مش مهم" "ايه البديل" "مش هتفرق اي حاجة في النهاية" "ايه بس هيفيد الكلام" "ما احنا حافظين الحكاية  من البداية للختام" "برضه هتدوم الجباية   "لو رفضنا الف عام"  !مش صحيح ..مش صحييح و اسأل الدم اللي سال من شهيد أو من جريح لما نزلوا يعلمونا  يعني ايه معنى الكرامة أحيوا موت الحق فينا  قبل ما تقوم القيامة  سابوا في قلوب المدينة الف ميت مليون علامة  منحة من الزمن الشحيح !مش صحيح جيل و شاف ملّا عينه من الربيع ملّا ودنه من الهتاف عمره ما هيرجع في قمقم عمره ما هيرجع يخاف  مش هينسى  مش هيقبل تاني لسة  حد يرجع يستبيح !مش صحيح جيل و فتَّح عل الحقيقة جيل و فتَّح عل الهوايل خانوا حلمه بميت طريقة عملوا فيه كل العمايل بس برضه لسة فاكر  بس برضه لسة شايل  نار وتحت رماد قيودكم  كامنة مستنية ريح   اللي قال لك احنا لسة زي ما احنا  رد قول له.. مش صحيح

شعبي الحبيب كم انت فريد لذا تحتاج حناني بيدٍ من حديد كي أحمي التفرد المذكور اعلاه من الخطر المذكور ادناه ذاك الذي كلما نسيناه يظهر من جديد ذاك الخطر المحدقُ دوماً تلك المرحلة الحرجة الابدية فلا تحلم أن تسأل يوماً عن خبزٍ أو عن حرية فالوطن يضيع في كل الأوقات ًحتى لا تجده ابدا  أما عن الاقوات فلتأكل هرماً او سداً .. أو بعض الأناشيد

احنا اللي فحتنا الفنتازيا  و مسحنا العقل بأستيكة  المنطق في بلدنا مؤامرة  و العلم ده كفتة و تسبيكة  الصبح في حرب على العملا  و الليل ف احضان امريكا  و كدبنا الكدبة و صدقنا  و بكينا لزوم التحبيكة  و بنسكر من غير الخمرا  و بنرقص من غير مزيكا  و عملنا ثورة على الثورة  رجعنا نظامهم فبريكا  منه لله اللي استغبى  واداهم اجدع تلكيكة  دستوا برجليكم احلامنا  على شان صراعاتكو الانتيكا  و نموت لجل انتو تعيشوا !ملعون ابو لعب البولوتيكا

  لأ !أنا مش حمار و لا هرضى يوم إني أعيش زي الحمير مربوط في ساقية و كل همي ملو البطون آخر النهار و إني ألف أكتر كمان لجل يجيبولي في يوم حمارة أعيش يومين و أجيب حمير أطفال صغار و أقعد ألف أكتر كمان أصلي زمان كان العلف ليه لوحدي دلوقت بقت الحمير كتار العيال.. و أمهم.. و أنا أكبر حمار *** لأ أنا مش حمار ولا هرضى يومم إني أعيش زي الحمير معرفش من ألوان الدنيا غير لون الخضار لون البرسيم و الدولار ده الدنيا الوانها كتيرة أنا نفسي أشوف لون الفنار لون السما الزرقا النبيلة لون النجوم , لون البحار لون التلوج فوق الجبال لون الصدف, لون المحار دي الألوان مبتنتهيش نفسي أشوفها نفسي أعيش انسان يا ناس  مش عايز أعيش زي الحمار !أنا مش حمار

  قد أشرق حسن ثناياكي ...  في ليل بهاء محيّاكي و القدّ الفارع قد أذكى ... في القلب حنينا للقاكي سمراء و قد كنت عميّا ... عن كنزٍ مثواه علاكي فتجلى في الأفق بريقٌ .. يتلألأ بين حناياكي  يتنزل كالقطر نديّا ... طوبى لبليغٍ سقياكي

  حبة قرف موزون  و الهم في القافية  الحزن آخره نون  والضحكة بالعافية  و الدمع اصلا نقط و العقد لما انفرط  صعب علينا الغلط  و الكلمة مش كافية

 ساعات بنندم عل القرار و ساعات بنندم عل الندم و ساعات بنضحك عل المرار و كتير بنبكي من الألم و نعيش نجاهد في العمار و كله بيروح للعدم و من بعيد نور الفنار فخ و غميق و المية دم  زي الفراش شده الشرار قرب و جرب و اتصدم طريق و معروف المسار و كله كافح و انهزم و لسة بندور في المدار و درس عمره ما اتفهم بنخاف من الديب ليل نهار و الراعي دباح الغنم 

(الفصل الأول) أحلامنا فرسة جموحة راكباها نفس طموحة رابطانا في ديلها و جارية في جبال الشوك العالية و الشوك بيقطع لحمك و بتروي الارض بدمك و هي ولا حاسة بهمك مش طايقة جبال الشوك نفسها في الأرض المفتوحة أحلامنا..   (الفصل الثاني) لعشرين سنةٍ أو أكثر و الفرسُ الجامحُ في جوفي يطلب شيئا لا يتبدّل يجري فَزِعاً كالمجنونِ يركض بسباقٍ مُتخيَّل يرفض أبداً أن يتوقف يرفض حتى أن يتمهل عجباً حقاً.. من أخبر طفلاً مثلَك؟ من أغراك بهذا؟؟ فجَعلتهُ مقصوداً أوّل عجباً حقاً.. ما أدراك.. إن كان هو الأمل الأمثل؟ لعلّ ما تبحثُ عنهُ طيفٌ زائف يسبحُ في عقلِ أجهل أو حتفٌ يزدان نفاقاً حتى إذ تدركُهُ...تُقْتَل كم خضتَ غِماراً بي قهراً قامرتَ بعمري كي ترحل بحثاً عن هدفٍ مفقودٍ بعتَ الحاضرَ للمستقبل و صُدمنا في ألفِ جدارٍ ظنَنتَ تخطّيهم يَسهُل و تَبِعتَ سراباتٍ شتّى تأبى دوماً أن تتأنى تنسى دوما أن تتأمّل من منا يُمسِكُ بزمامِ الآخر؟ من منا يقرر ما نفعل!!؟ أنهكني سعيُكَ يا فرسي قد حان الوقتُ لأترجّل قد حان الوقتُ لكيّ نصبر كي...

أنا المصري و عنواني  تحت خط الفقر جنب الحيط  أنا الساكن في أحزاني  و بدفع بالدموع تقسيط  و بضحك على هم أبكاني  و لولا الضحكة كنت فَنِيت  أنا المسجون و سجاني  هو الحرامي ، وأنا اللي صاحب البيت أنا العريان و متغطي بسواد الليل  أنا البردان و انا سارح بكيس مناديل  أنا العيان و مش لاقي حق برشامة و إن قلت آآه.. يقولوا صبره قليل  أنا الطفل اللي مهري ضرب في الورشة  أنا القاعدة تبيع الخضرة عل الفرشة أنا الناس اللي قلبها بيدق بس صعب تقول إنها عايشة  أنا اللي مدقتش اللحمة  أنا الزحمة  أنا اللي تهت في دروبك أدور فيها عل الرحمة أنا بيتي فِ حواريكي  عايم في مجاريكي  لا أنا عارف أسيب و أهرب  و لا قادر أجاريكي  أنا العايش بين الأموات  أحن عليّ من البهوات  جيتهم ضيف و قبلوني و قالوا بكرة نبقى اخوات  ما هي مش فارقة بالمرة  ما أنا ميت ميتين مرة  مرة في قطر جواكي  و مرة في مركبة برة  و مرة في طابور العيش و مرة عل الحدود في في الجيش و مرة بطلق...

وقلت أبقى أعرف أما أكبر أصل الكبار أكيد عارفين كبرت و برضه معرفتش و تهت ما بين كبار تانيين

بكتب شعر عبيط و مكسر كله كلام متعاد و مُكرر نفس حكاية كل زمان ما الإنسان هو الانسان خايف، مش عارف، تعبان تايه طول عمره و متحير بكتب شعر عبيط و مكسر جه دنيا من غير ما يقرر قلقه بيكبر كل ما يكبر يسأل ايه معنى الأنفاس داخلة و خارجة بميت وسواس هي الفرحة قريبة خلاص ولا الحزن عليه متقدر بكتب شعر عبيط و مكسر يمشي في مليون سكة يدور يمكن ليله في مرة ينور كل طريق يرميه في طريق و مفيش حاجة تبل الريق و يموت سايب طفل بريء برضه يلاقي الصبح اتأخر بكتب شعر عبيط و مكسر دايرة و دايرة مهما يحوَّر يقعد يتفلسف و يفكر يلمح فكرة زي الطيف تاخده العزة و ياخده الكيف يشهر لجل عيونها السيف يزهق منها يقوم متغير بكتب شعر عبيط و مكسر زي مصيره هواه مش أكتر ضايع مهتَز و متنكر لما الدنيا بتقسى بيقسى و اما الدنيا بتحلى بينسى لما تميله بيهدى و يرسى و اما تذله يروح متهور بكتب شعر عبيط و مكسر مرة يكون ظالم متجبر يقتل و يدمر و يفجر هو الحق و هو القوة و الإنسان الصح فتوة متقولليش رأفة و أخوّة لازم نهدم لجل نعمر بكتب شعر عبيط و مكسر مرة يكون مظلوم متكدر لحمه فريسة لكلب الع...